Roli i bashkësive fetare kyçe në bashkëjetesën ndërfetare në Kosovë

21:18 | 4 Prill 2017
Arbresh.info

Ministri i Punëve të Jashtme, Enver Hoxhaj ka takuar sot Ipeshkvin e Kosovës Imzot Dodë Gjergji me të cilin kanë diskutuar për bashkëjetesën dhe harmoninë fetare dhe rolin e tyre në shtetndërtimin e Kosovës.

Hoxhaj ka thënë se bashkëjetesa, toleranca dhe harmonia ndërfetare janë elemente kyqe për shtetndërtimin e Kosovës.

Ai e ka falënderuar Imzot Dodë Gjergjin për bashkëpunimin e treguar, ndërsa ka shprehur bindjen se Kosova do të vazhdojë të mbetet shembull i harmonisë fetare në rajon dhe më gjerë.

“Toleranca fetare, bashkëjetesa dhe harmonia janë vyrtyte që e kanë karakterizuar popullin e Kosovës ndër vite. Këto elemente janë kyqe për ndërtimin e shtetit të Kosovës dhe jam i bindur që Kosova do të vazhdojë të mbetet shembull për vendet e tjera në këtë drejtim”, ka thënë Hoxhaj.